Кыргыз элинин улуу мурасы, улуттук сыймыгы болгон «Маиас» эпосу мазмунунун кенендиги, баяндаган ой-түшүнүктөрүнүн байлыгы, коркомдүк деңгээлинин кол жеткис бийиктиги, дүйнөдө тендешсиз зор көлөмү менен жалпы адамзаттык рухий казынада ардактуу орундардын бирин ээлеген уникалдуу көрүнүш. Аны окумуштуу-лар дүйнөсү, көркөм өнөр күйөрмандары, жалпы маданий чөйро өзгөчө орунга коюп, жогору баалашат.  «Манас»  бүгүн бул эпос жөнүндөгү илимий эмгектер, түрдүү тилдерге которулган тексттери аркылуу дүйнө элдеринин көпчүлүгүнө кеңири маалым Улуу манасчы Сагымбай Орозбак уулунун вариантынын академиялык басты-рылышы турдүү элдердин бул чыгармага кызыккан өкүлдөрүнө  «Манастын»  улуулук касиеттерин даасын көрүп,  терең түшүнүүгө көмөк болмокчу. Эпостун текстте-ри  биринчи  жолу  толук  түрдө  жарыяланып  жатат.  Бастырылыштын  V  китеби мурда жарык  көргөн IV  китептин түздөн түз уландысы,  Бул  китепте  «Ала-Тоону душмандардан бошотуу»  окуясынын аягы жана  кыргыздардын Алтайдан ата мекенине көчүп келүүсү,  Алооке,  Шоорук окуялары баяндалат.